LagunArok jasangarritasun-proiektu bat jarri du martxan etorkizun iraunkorrago baten alde

LagunAron, argi dugu gure erantzukizuna eta etorkizun jasangarriago batekin dugun konpromisoa.

Horregatik, gaur jasangarritasuna aztertzeko proiektu berri bat abiatu dugu, orain arte garatutako ekintzak aztertzeko eta gure printzipio eta balioekin bat datorren estrategia eraginkor bat definitzeko.

Prozesu hau Sustainn entitatearen eskutik gauzatuko dugu, ingurunean dugun eragin positiboa handitzeko eta garapen jasangarria lortzen laguntzeko helburuarekin. Badakigu gure jarduera-eremutik ekarpen handia egin dezakegula erronka global honi aurre egiteko.

Ekimen honekin, etengabeko hobekuntzarekin eta etorkizunari begirako kudeaketa arduratsuarekin dugun konpromisoa berresten dugu: anbizioz, koherentziaz eta helburu argiz.