Ezaugarri orokorrak
LagunAro, EPSVn urteak daramatzagu gure bazkideei bizitzako etapa bakoitzean laguntzen, profesionaltasuna, segurtasuna eta konfiantza eskainiz une garrantzitsuetan, hala nola:
Kooperatiban fase aktiboan sartzea
Lan ibilbidea
Etapa pasibora edo erretirora igarotzea
Gardentasunarekin eta erantzukizunarekin dugun konpromisoak gure lan egiteko modua argi eta garbi partekatzera bultzatzen gaitu, betiere gure kolektiboa eta gure gizarte aurreikuspeneko eredua zaintzeko, orain eta etorkizunean.
LagunAro, sistemari atxikitako kooperatibetako bazkideentzako borondatezko babes sozialeko sistema bat.
Prestazio batzuk LagunArorenak esklusiboak dira, beste batzuek estaldura mistoa dute (gure kolektiboak LagunAroren zein Gizarte Segurantzaren prestazioak jasotzen ditu), eta beste batzuk Sistema Publikoaren osagarri dira. Horiek guztiak bi mota hauetan sailkatzen ditugu:
Epe luzerako prestazioak dira. Zure funtsa lan bizitzan zehar osatzen duzu, etorkizunean prestazio horiek erabiltzeko. Hauek dira gure Kapitalizazio Prestazioak:
Ezintasun Iraunkorra
Lanerako gaitasuna erabat edo partzialki behin betiko galtzen baduzu jasotzen duzun prestazio ekonomikoa.
Erretiroa
Erretirorako legezko adina iritsitakoan, lan egiteari utzi eta zure lan bizitza amaitzen duzunean jasotzen duzun pentsioa.
Alarguntasuna / Zurztasuna
Zure gertuko senideentzako pentsioa, falta zarenean.
- LagunArok eta Sistema Publikoak modu mistoan estaltzen dituzte prestazio hauek.
Epe laburreko prestazioak dira, eta gure egunerokoan erabiltzen ditugu, batez ere lanean ari garenean. Hauek dira gure Banaketa Prestazioak:
Enplegu Laguntza
Kooperatiba eta zu, bazkidea, zailtasun egoeretan babesteko mekanismoak: birkokapenak, egutegi mugikorra, langabezia, ...
Aldi Baterako Ezintasuna
Prestazio ekonomikoa baja mediko bat baduzu.
Osasun Laguntza
Espezialista, zentro mediko, klinika eta ospitaletarako sarbide pribatua.
Familia Prestazioak eta Laguntzak
Adingabearen Jaiotza eta Zaintzari lotutako prozesuetako prestazio ekonomikoa eta beste laguntza batzuk (Gaixotasun larriak dituzten Adingabeak Zaintzea, Desgaituentzako Laguntza eta Heriotzagatiko Laguntza).
Genero Indarkeria
Prestazio honek genero indarkeriaren biktima diren mutualistei laguntza ekonomikoa eskaintzen die, egoera horren ondorioz kooperatibarekin duten sozietate harremana etetea edo amaitzea erabakitzen duten kasuetan.
- Enplegu Laguntza eta Aldi Baterako Ezintasuna: LagunArok bakarrik estaltzen ditu prestazio hauek.
- Familia Prestazioak, Laguntzak eta Genero Indarkeria: LagunArok eta Sistema Publikoak modu mistoan estaltzen dituzte prestazio hauek.
- Osasun Laguntza: prestazio honek Osasun Publikoak ematen duenaren osagarria da.