Arogestionen antolaketa egitura
Gure antolamenduaren egitura kudeaketa eraginkor eta arduratsua bermatzeko diseinatuta dago, gobernu onaren printzipioekin lerrokatuta.
Erakundearen funtsezko arloetan erabakiak behar bezala hartzea eta gainbegiratzea ahalbidetzen duten hainbat organo ditugu. Atal honekin batera doan organigramak argi islatzen du gure erakundearen barruko funtzioen banaketa.
Batzar Nagusia da gobernu organo gorena, bazkideen borondatearen adierazpena.
Batzar Nagusiko kideak dira Gobernu Batzordeko kideak diren bazkide babesle sustatzaileko ordezkariak –edo kasu bakoitzean aipatu bazkide babesle sustatzaileak izendatzen dituen ordezkoak–, bazkide babesleak eta bazkide oso edo arruntak, interes guztiak ordezkatuta daudela bermatuz.
Gobernu Batzordearen zeregina Erakundearen gobernu zuzenekoa eta berehalakoa da, eta Batzar Nagusiarentzat erreserbatuta ez dauden eskumenak betetzen ditu.
Gobernu Batzordea zortzi kidez osatuta dago, eta horietatik lauk bazkide babesle sustatzailea –LagunAro, EPSV– ordezkatzen dute, eta beste laurek gainerako bazkideak.
Lehendakariak kalitatezko botoa izango du Gobernu Batzordean, eta Batzar Nagusiak aukeratuko du.
Zuzendaritza organo betearazlea da, eta pertsona bakarra edo talde bat izan daiteke, Gobernu Batzordearen esku dagoelarik hori erabakitzea; Gobernu Batzordeak izendatuko du kidea edo kideak, eta horiek hark delegatutako ahalmenez jardungo dute.
Betetze Batzordea organo delegatu bat da, eta Arrisku Penalak Prebenitzeko Eskuliburuan ezarritako neurriak betetzen direla bermatzeaz eta, oro har, araudia betetzeari lotutako guztia kudeatzeaz arduratzen da.
Dokumentuak 
