LagunAro prestazioak
LagunAroren prestazioak hainbat egoera zailetan mutualistei eta haien familiei laguntzeko onura ekonomikoak eta zerbitzu medikoak dira. Jarraian, LagunAroren prestazioak aurkezten dizkizugu:
Aldi baterako ezintasuna
Mutualistari ematen zaion diru zenbateko bat da, gaixotasun arrunt edo profesionalengatik edo istripuagatik, lanekoa izan edo ez, lan egin ezin duenean, eta eskubidea bajaren lehenengo ordutik gauzatzen da.
Enplegu laguntza
Kooperatiban langabezian dagoenean edo iraupen mugatuko mutualista gisa (IMM) lan kontratua amaitu duen mutualistari laguntzea du helburu.
Familia prestazioak
Adingabekoen jaiotzaren, zaintzaren, adopzioaren edo harreraren aurretik, bitartean edo ondoren gurasoei laguntzeko prestazio ekonomikoa, eta familia nukleoari lotutako beste laguntza batzuk. Baita haurdunaldiko eta edoskitzaroko arriskuak ere.
Genero indarkeria
Prestazio honek genero indarkeriaren biktima izan daitezkeen mutualistei laguntza ekonomikoa eskaintzen die, egoera horren ondorioz kooperatibarekin duten sozietate harremana etetea edo amaitzea erabakitzen badute. Babes finantzario horrek egonkortasun ekonomikoa ziurtatu eta mutualistaren etapa profesional eta pertsonal berri baterako trantsizioa erraztu nahi du.
Osasun laguntza
Osasun Sistema Publikoak eskaintzen duenaren prestazio osagarri bat da. Zerbitzu mediko eta kirurgikoak estaltzen ditu, bai erregimen anbulatorioan bai ospitalean. Horren barruan sartzen dira espezialistekiko kontsultak, ospitaleratzeak eta beste batzuk.
Pentsioak
Mutualistak edo onuradunek kobratzen duten zenbateko ekonomiko bat da, betiere laneko etapan LagunAron kotizatu badu prestazio horiek jasotzeko eskubidea izateko.
