Pentsioak
LagunAro, EPSVren pentsioak mutualistak edo onuradunek kobratuko duten zenbateko ekonomiko bat dira, betiere laneko etapan LagunAron kotizatu badu prestazio horiek jasotzeko eskubidea izateko.
Mutualisten eta haien familien segurtasun ekonomikoa bermatzea dute helburu.
Erretiroa
Kooperatiba bateko kide denean kotizazio eredu mistoaren barruan (Gizarte Segurantza + LagunAro) kotizatzeagatik jasotzen duen prestazioa.
LagunArok 65 urtetik aurrera biziarteko pentsioa jasotzeko eskubidea ematen du, baina 60 urtetik aurrera aurez erretiratzeko aukera dago.
Baliaezintasuna
Gizarte Segurantzak bazkideari baliaezintasun maila jakin bat aitortzen dionean ordaintzen den prestazioa.
Biziarteko pentsio bat da, aitortutako ezintasun iraunkorraren mailaren eta ordura arte eratu diren pentsio eskubideen araberakoa.
Alarguntasuna
Prestazio honetarako kotizatzen duen mutualista aktiboa hiltzen denean edo erretiro edo ezintasun iraunkorreko pentsioduna hiltzen denean ematen da.
Ezkontidearen edo izatezko bikotekidearen aldeko prestazio bat da.
Zurztasuna
Prestazio hau hildako kausatzailearen 25 urtetik beherako seme-alabek jasoko dute.
Seme-alaba horiek umezurtz absolutuak badira, hau da, beste gurasoa ere hilda badago, Zurztasun Absolutuaren prestazioaren onuradun izango dira.
Etenaldiko mutualista
Mutualista batek 60 urte bete aurretik erretiroko prestaziorako kotizatzeari uzten dionean, etenaldiko mutualista bihurtzen da. Une horretan kapital bat aitortzen zaio erretiroko prestaziorako egin diren ekarpenengatik.
Kapital hori urtero eguneratzen da LagunAro, EPSVk bere inbertsio zorroaren kudeaketan lortutako errentagarritasun errealaren arabera.
Prestazioa mutualistak 60 urte beteta dituenean eta lana utzi duenean ordainduko da.