LagunAro, EPSVren antolaketa egitura
Gure antolamenduaren egitura kudeaketa eraginkor eta arduratsua bermatzeko diseinatuta dago, gobernu onaren printzipioekin lerrokatuta.
Erakundearen funtsezko arloetan erabakiak behar bezala hartzea eta gainbegiratzea ahalbidetzen duten hainbat organo ditugu. Atal honekin batera doan organigramak argi islatzen du gure erakundearen barruko funtzioen banaketa.
Batzar Nagusia da gobernu organo gorena, pertsonen borondatea adierazten duen heinean.
Batzar Nagusia kooperatiba bazkide babesle bakoitzean, beren arauen arabera eta indarrean dagoen legerian ezarritakoa errespetatuz, izendaturiko konpromisarioek (mutualisten ordezkariek) osatuko dute.
Kooperatiba bazkide babesle bakoitzean, bere hogeita hamar mutualistako edo kopuru horren frakzioko konpromisario izendun bat izendatzen da.
Kontseilu Errektorea erakundea ordezkatu, gobernatu eta kudeatzeko organo kolegiatua da.
Kontseilu Errektorea hamabi kidek osatzen dute, LagunAro, EPSVko mutualistak izanik, Batzar Nagusiak izendatuak (lehendakaria gehi 11 Komunitate Mutualistetako ordezkari bana).
Kontseilu Errektoreak lehendakari bat izango du, Batzar Nagusiak aukeratua, baita lehendakariorde bat eta idazkari bat ere, Kontseilu Errektoreak bere kideen artean izendatuak. Kontseilu Errektoreko gainerako kideak kontseilukideak izango dira.
Zaintza Kontseilua organo kolegiatu bat da, bere zeregina izanik eragiketa ekonomikoak fiskalizatzea, horien gaineko ezagupen zehatza izateko eta, betiere bere erantzukizunpean, Batzar Nagusiari, mutualistei, Kooperatiba Bazkide Babesleei eta dagokien goragoko Erakundeei horien berri eman ahal izateko.
Zuzendaritza organo betearazlea da, eta pertsona bakarra edo talde bat izan daiteke, Kontseilu Errektorearen esku dagoelarik hori erabakitzea; Kontseilu Errektoreak izendatuko du kidea edo kideak, eta horiek hark delegatutako ahalmenez jardungo dute.
Komunitate Mutualistak Kontseilu Errektorearen organo delegatuak dira, eta mutualista elkarketek osatzen dituzte (500-2.000), enpresa integrazioaren, hurbiltasun geografikoaren eta mutualisten kopuruaren irizpideen arabera taldekatuta, honako helburu hauekin:
- Kontseilu Errektoreak delegaturiko alderdiak kudeatzea.
- Onuradun edo mutualista bakoitzeko gastu mailak kolektibo zabaletan autokonpentsatuak izan daitezela lortzea.
Batzorde Delegatuak Komunitate Mutualista bakoitzaren kudeaketa organoa dira.
Inbertsio Batzordea Kontseilu Errektorearen organo delegatu bat da, inbertsio politikak zehazteko aholkularitza emateko. Inbertsio Batzordeak politika horiek betetzen direla ziurtatu behar du eta epe laburrerako jarduera ildoak zehaztu behar ditu, finantza merkatuen bilakaeraren arabera.
Prestazio Batzordea Kontseilu Errektorearen organo delegatu bat da, eta Enplegu Laguntzako prestazioei buruzko eskaeren azterketa, balorazioa eta ebazpena kudeatzeaz arduratzen da.
Betetze Batzordea organo delegatu bat da, eta Arrisku Penalak Prebenitzeko Eskuliburuan ezarritako neurriak betetzen direla bermatzeaz eta, oro har, araudia betetzeari lotutako guztia kudeatzeaz arduratzen da.
Dokumentuak 
