Finantzaketa
Finantzatzeko eredua prestazio motaren arabera egituratzen da, bideragarritasuna eta oreka bermatuta. Ondoren, kapitalizazio eta banaketa prestazioak nola finantzatzen diren azalduko dugu.
Epe luzerako prestazioak dira. Zure kooperatibak hilero kuota bat ordaintzen dio LagunArori zure izenean, sisteman zauden bitartean. Kuota horiek modu kolektiboan inbertitzen dira finantza merkatuetan, errentagarritasuna lortzeko.
Horrela, zure etorkizuneko pentsioa zure kooperatibak emandako kuoten eta inbertsioetan lortutako errentagarritasunaren bidez finantzatuko da. Pentsioa bizitza osorako kobratuko duzu eta, hiltzen bazara, zure ezkontideari edo izatezko bikotekideari helaraziko zaio.
Orekaren oinarrizko harremana
Sarrerak
Kuotak
Errendimenduak
Prestazioak
Pentsioaren kalkulua
Jasotzeko urteak
Sarrerak eta prestazioak
Sarrerak fase aktiboan ordaindutako kuotez eta metatutako errendimenduez osatuta daude, eta fase pasiboan ordaindu beharreko pentsioei aurre egiteko behar beste izan behar dute; horiek pentsioaren hasierako zenbatekoaren, ondorengo urteetako birbalorizazioaren eta kobratzeko aurreikusten diren urte kopuruaren araberakoak izango dira.
Biziarteko prestazio definitua
Erretiroaren unean lortu beharreko prestazioa kalkulatzeko prozedura aurretiaz definituta dago. Une hauetan, 2010. urteko Batzar Nagusiak Pentsio sistema erreformatzeko hartutako erabakiaren ondorioz, pentsioa kalkulatzeko bi mota desberdin daude.
Bi kasuetan, pentsioa oinarrizko bi aldagairen araberakoa da: kotizatutako urte kopurua eta kotizaziorako oinarriak. Gauzatzen denean, pentsioa eta bere birbalorizazioa, hori ere aurretiaz definitua (berriro ere, eguneratzeko bi sistema desberdin daude) biziartekoak dira eta, ondorioz, sistemaren kostua bizi itxaropenaren araberakoa da.
Kapitalizazio kolektiboa
Fase pasiboan ordaindu beharreko pentsioak fase aktiboan ordaindutako kuoten bidez eta lortutako errendimenduen bidez finantzatzen dira. Baliabide metatu horiek Erakundearen Ondare Fondoa osatzen dute. Funts horren etorkizuneko bilakaera oso sentibera da errentagarritasun tasen aldaketei buruz.
Inbertsioak
Inbertsioen Kudeaketa funtsezko alderdia da pentsioak ordainduko direla bermatzeko. Pentsioak kapitalizazio sistemaren bitartez finantzatzen direnez, kuotak funts batean metatzen dira (Ondare Funtsa), eta hori segurtasun, likidezia eta errentagarritasun irizpideen arabera inbertitzen da.
Horregatik, inbertsio horien errendimenduak sistemaren diru sarreretarako funtsezko iturri dira, are kuotetatik biltzen dena baino handiagoa ere, metatutako Ondare Funtsaren neurria kontuan hartuta.
Ondorioz, kapitalizazio sistemetako sarrerak oso sentiberak dira errentagarritasunari buruz, errentagarritasuna sistema finantzatzeko iturri nagusia den heinean.
Epe laburrerako prestazioak Banaketa Sistemaren bidez finantzatzen dira, hau da, prestazio bakoitzerako aurreikusitako urteko gastuaren arabera, urte horretarako kuota partzialak zehazten ditugu, kooperatibek hilero finantzatzen dituztenak beren bazkide kooperatibisten izenean.
Prestazio bakoitzak saldo bat du, eta hori urtean zehar bildutakoaren eta gastatutakoaren arteko aldea da. Gainera, prestazio bakoitzean metatutako saldoa eta urteko gastuaren aurreikuspenak kontuan hartuta, Batzar Nagusiak onartuko du aplikatu beharreko kuota maila.
Osasun Laguntza eta Aldi Baterako Ezintasuneko prestazioen kasuan, Komunitate Mutualistaren arabera aplikatzen den zigor eta hobarien sistema bat dugu. Mekanismo horren helburua komunitateen arteko erantzukizun maila egokia bermatzea da.
Enplegu Laguntzako prestazioak, bere izaera ziklikoa dela eta, saldo zuhur bat du, etorkizuneko beharrei aurre egiteko. Funts hori zuhurtasun, segurtasun eta likidezia irizpideei jarraituz inbertitzen da finantza merkatuetan, lehentasuna izanik kapitala babestea eta, epe laburreko interes tasen arabera, errentagarritasuna lortzea.
